आरमोरी : राष्ट्रीय आरोग्य अभियानाअंतर्गत कंत्राटी कर्मचाऱ्यांचे दि.19 ऑगस्टपासून आरमोरीच्या उपजिल्हा रुग्णालयासमोर कामबंद आंदोलन सुरु आहे. या आंदोलनस्थळी राज्याचे माजी मंत्री तथा आमदार डॉ.धर्मरावबाबा आत्राम यांनी भेट देऊन कंत्राटी कर्मचाऱ्यांच्या मागण्यांविषयी चर्चा केली. या विषयावर शासनाकडे पाठपुरावा करण्याचे आश्वासन त्यांनी दिले.
यावेळी डॉ.धर्मरावबाबा आत्राम यांच्यासोबत राष्ट्रवादी काँग्रेस पक्षाचे जिल्हा अध्यक्ष रविंद्र वासेकर, आरमोरीचे माजी आमदार डॉ.रामकृष्ण मडावी, राष्ट्रवादी काँग्रेसचे प्रदेश उपाध्यक्ष तथा माजी कृषी सभापती नाना नाकाडे, प्रदेश सरचिटणीस मोहम्मद युनूस शेख, विधानसभा सहअध्यक्ष सुनील नंदनवार, शहर अध्यक्ष प्रदीप हजारे, युवा नेते आकाश मडावी, मोहित राऊत, उल्हास बनपूरकर आदी उपस्थित होते.
दि.14 मार्च 2024 रोजी राष्ट्रीय आरोग्य अभियानातील कर्मचाऱ्यांना नियमित सेवेत समायोजन करण्यासाठी शासन निर्णय निर्गमित झाला आहे. मात्र सव्वा वर्ष होऊनही त्याची अंमलबजावणी होत नसल्याने, तसेच मानधनवाढ, बोनस, विमा व बदली धोरण मान्य होत नसल्याने, तसेच आरोग्यमंत्र्यांनी दि.8 व 10 जुलै 2025 रोजी संघटनेच्या शिष्टमंडळास समायोजन प्रक्रिया व विविध मागण्यांबाबत दिलेल्या आश्वासनाची पुर्तता झाली नसल्याने हे बेमुदत कामबंद आंदोलन सुरू आहे.
सदर कर्मचारी ऊन-पावसाची तमा न करता आरमोरी येथील उपजिल्हा रुग्णालयासमोर आपल्या न्याय मागण्यांसाठी आंदोलन करीत असल्याने आरमोरी तालुक्याच्या दौऱ्यावर असलेले माजी मंत्री डॉ.धर्मरावबाबा यांनी आंदोलनस्थळी भेट देऊन मागण्यांविषयी शासनाकडे पाठपुरावा करण्याचे आश्वासन दिले.
यावेळी कर्मचाऱ्यांनी धर्मरावबाबांना निवेदनही सादर केले. निवेदन देताना अनिता थुल, पूजा व्यास, गौरी निनावे, श्वेता डांगे, प्रियंका कोठारे, सुनीता बागडे, रिता गणवीर, मनीषा राजूरकर, पुण्यशिला ढोरे, एम.एन. रंधये, करुणा गेडाम, व्ही.टी. चिलबुले, एस.एन. हत्तीमारे, ए.एन. लुटे, एस.एच. डोंगरे, माया खराबे, सुवर्णा बर्डे, निर्मला बावणे, रजनी वाघमारे, प्रतीक्षा वाकडे, सृष्टी मेश्राम, वाहिदा शेख, पौर्णिमा जुमनाके, राजेंद्र चौधरी इत्यादी कंत्राटी आरोग्य कर्मचारी उपस्थित होते.
