गडचिरोली : तालुक्यातील मौशीखांब-मुरमाडी जिल्हा परिषद क्षेत्रातील शाळा इमारतींच्या दुरवस्थेवरून शिवसेना (उद्धव बाळासाहेब ठाकरे) पक्षाने आक्रमक भूमिका घेत जिल्हा परिषदेवर ‘हल्लाबोल’ केला. सर्वसामान्यांच्या मुलांसाठी गावात जिल्हा परिषदेची शाळा असली तरी तेथील भौतिक सुविधांकडे दुर्लक्ष आहे. असुरक्षित, गळक्या, अस्वच्छ इमारतीत बसूनच या विद्यार्थ्यांनी शिक्षण घ्यायचे का? वाघाचे सावट असताना सुरक्षा भिंत नसलेल्या शाळांमध्ये उद्या वाघ येऊन बसला किंवा विद्यार्थ्यावर वाघाने हल्ला केला तर त्याची जबाबदारी तुम्ही घेता का? असे प्रश्न उपस्थित करत अरविंद कात्रटवार यांच्यासह शेकडो शिवसैनिकांनी शिक्षण विभागाला जाब विचारला.
गडचिरोली तालुक्यातील मौशीखांब-मुरमाडी जिल्हा परिषद क्षेत्रातील शाळांची झालेली दुरवस्था लक्षात घेता शाळांची तातडीने दुरूस्ती करण्यात यावी, शैक्षणिक विकासासाठी विद्यार्थ्यांना आवश्यक त्या सोयीसुविधा उपलब्ध करून द्याव्यात या मागणीसाठी अरविंद कात्रटवार यांच्या नेतृत्वात मोठ्या संख्येने शिवसैनिक व नागरिकांनी जिल्हा परिषद शिक्षण विभागाकडे जाऊन विद्यार्थ्यांच्या समस्यांकडे प्रशासनाचे लक्ष वेधले.
यावेळी शिक्षणाधिकाऱ्यांना निवेदन देऊन शाळांच्या दुरूस्तीबाबत चर्चा केली आणि समस्या तातडीने सोडविण्याची मागणी केली. संविधानाने 4 ऑगस्ट 2009 रोजी लागू केलेला बालकांचा मोफत आणि सक्तीच्या शिक्षणाचा अधिकार कायदा ज्याद्वारे 6 ते 14 वर्ष वयोगटातील मुलांना मोफत आणि सक्तीचे शिक्षण मिळण्याचा मूलभूत अधिकार प्राप्त झाला आहे. मात्र शाळांच्या इमारती व आवश्यक त्या सोयीसुविधा उपलब्ध करून देणे शासन व प्रशासनाची जबाबदारी असताना मौशीखांब-मुरमाडी जि.प.क्षेत्रातील शाळांचा सुमार दर्जा पाहिल्यानंतर शासनाच्या मुळ हेतूला हरताळ फासला जात असल्याचे कात्रटवार यांनी शिक्षण विभागाच्या निदर्शनास आणून दिले.
जिल्हा नियोजन समितीस उपलब्ध होणाऱ्या जिल्हा वार्षिक योजनेच्या निधीतून किमान 5 टक्के निधी शालेय शिक्षणाशी संबंधित योजनांसाठी खर्च करावयाचा आहे. हा निधी कायमस्वरूपी राखून ठेवण्यास शासनाने मंजूरी दिली आहे. या निधीतून जिल्हा परिषदांच्या शाळांची इमारत आणि वर्ग खोल्यांची दुरूस्ती, तसेच स्वच्छतागृहांची दुरूस्ती, वर्गखोल्यांचे बांधकाम, स्वच्छतागृहांचे बांधकाम, पिण्याच्या पाण्याची सुविधा, वाचनालय, शैक्षणिक बोलक्या भिंती निर्माण करणे, विद्यार्थिनींसाठी स्वतंत्र कक्षाचे बांधकाम, क्रीडांगणाची सुविधा, शाळांना संरक्षक भिंत उभारणे आवश्यक असताना त्याकडे दुर्लक्ष होत असल्याने विद्यार्थ्यांना अडचणींचा सामना करावा लागत आहे.
आंबेशिवणी, आंबेशिवणीटोली, आंबेटोला, मौशीखांब, अमिर्झा, अमिर्झा टोली, कळमटोला, टेंभा, मरेगाव, बेलगाव, भिकारमौशी, रानखेडा, मुरमाडी, गिलगाव, बोथेडा, मोहटोला या गावांसाठी असलेल्या शाळांची दुरावस्था दूर न केल्यास पालकांच्या उपस्थितीत शाळांना कुलूप ठोकण्याचा इशाराही यावेळी प्रशासनाला देण्यात आला.
याप्रसंगी यादव लोहंबरे, प्रशांत ठाकूर, सुरेश कोलते, दिलीप वलादी, देवेंद्र मुळे, दीपक लाडे, विकास उंदीरवाडे, गोपाल मोगरकर, पुरुषोत्तम सुर्यवंशी, महेश लाजुरकर, विनोद खेवले, लोमेश कुमरे, निकेश कोलते, देवेंद्र कोटगले, धनंजय चापले, आकाश लडके, विकास उंदीरवाडे, जयकुमार खेडेकर, अनिल राऊत, नरेश कावळे, तोकेश सहारे, सुरज कलसार, पुरुषोत्तम उंदीरवाडे, विलास भैसारे, छत्रपती भैसारे, कुसन ढवळे, अंबादास मुन्घाटे, आकाश बानबले, लोकेश नैताम, भगवान चनेकार, राकेश मुन्घाटे, अमोल नन्नावरे, प्रफुल डोईजळ, राजेश धारणे, भोजराज नखाते, रामेश्वर निलकंठ कारेते, साईनाथ उईके, लंकेश भजभुजे, क्रिष्णा भोयर, तरंग वाघमारे, गुलाब निकुरे, धनराज कावळे, अमित चौधरी, गणेश गुंटीवार, युजिन चौधरी, प्रशांत पेंद्राम, खुशाल कारेते, आरिफ ढवळे, संदेश सूर्यवंशी, राजेंद्र मेश्राम, पंकज गेडाम, सचिन गुरुनुले, उमेश गेडाम, धनराज ठेंगे, वामन नीलेकार, गणेश ठाकरे, राजू मुरतेली, सुप्रीम करकाडे, अरविंद ठाकरे, अजय ठाकरे, राहुल मुरतेली, कुमोद भुसारी, नामदेव भुसारी, अनिरुद्ध उरकुडे, रुपेश आवारी, स्वप्नील मंगर, साहिल उरकुडे, संदीप शिवणकर, रवी भुसारी, प्रेमचंद भुसारी, रविंद्र मिसार, निरंजन लोहम्बरे, जगन चापले, प्रभुदास होळी, किशोर मडावी, नेपाल लोहंबरे, कुमदेव आवारी, आकाश भरणे, दीपक कोसमसीले, जयंत मेश्रम, कुणाल आवारी, अजिंक्य नगरडे, सूरज गिरोले, साहिल कोसमसीले, गोपाळ मोगरकर, विलास नैताम, वसंत चलाख, रुमन भांडेकर, गजानन नैताम, स्वप्नील जुमनाके, गंगाधर लटारे, मधुकर सातपुते, अमर निंबोळ, अमित हुलके, निकेश मडावी, विश्वनाथ धंदरे, विठ्ठल मंदिरकर, कवडू धंदरे, मधुकर बावणे, सुरज वलादी, पुरंदर उंदीरवाडे, मोतीराम चंद्रगिरे, अशोक धानफोले, भूषण सहारे, जयदेव मेश्राम, माणिक कारेते यांच्यासह शिवसैनिक व गावकरी मोठ्या संख्येने उपस्थित होते.
