गडचिरोली : माजी कॅबिनेट मंत्री आमदार डॉ.धर्मरावबाबा आत्राम यांच्या मार्गदर्शनात “एक हात मदतीचा” या उपक्रमांतर्गत सिनेट सदस्य तनुश्री धर्मरावबाबा आत्राम यांच्याकडून गडचिरोली जिल्ह्याच्या विविध भागात उल्लेखनिय कामे केली जात आहेत. या उपक्रमाचा एक भाग म्हणून पेटतडा या गावातील जिल्हा परिषद उच्च प्राथमिक शाळेत शालेय विद्यार्थ्यांना शैक्षणिक साहित्याचे (नोटबुक्स) वाटप करण्यात आले.
‘एक हात मदतीचा’ उपक्रमाअंतर्गत नागरिकांना वैद्यकीय सेवा पुरवणे, तसेच आभा कार्ड, पॅन कार्डचे मोफत वाटप, शालेय विद्यार्थ्यांना शैक्षणिक साहित्याचे वाटप, रोजगार मार्गदर्शन केंद्र, पोलीस भरतीपूर्व प्रशिक्षण चालवणे असे विविध सामाजिक उपक्रम अनेक वर्षापासून राबवविले जातात. या उपक्रमाचा हजारो युवक-युवतींना मोठा लाभ मिळाला आहे.
पेटतडा गावातील नागरिकांना मार्गदर्शन करताना आपल्या कोणत्याही अडचणी असेल तर मला हक्काने फोन करा, एक हात मदतीचा या उपक्रमांतर्गत आपली समस्या सोडवण्याचा प्रामाणिक प्रयत्न केला जाईल, असे तनुश्री आत्राम यांनी ग्रामस्थांना आश्वस्त केले. या कार्यक्रमाला शाळेचे प्रभारी मुख्याध्यापक के.के.सोनटक्के, पी.डब्ल्यू.किरमे, आर.एस. वरभे, एन.एम. कन्नाके यांच्यासह प्रशांत गेडाम, प्रवीण गेडाम, रमेश कन्नाके, ओमप्रकाश बल्लारवार, सोनिका तुकलवार, करीना कोल्हेवार, शोभा कन्नाके, सावित्री पेंदाम, संजय नागुलवार, वनिता कोसरे आदींसह ग्रामस्थ मोठ्या संख्येने उपस्थित होते.
