गडचिरोली : चामोर्शी मार्गावरील गोविंदपूरजवळ एका भरधाव कारने दुचाकीवरून जाणाऱ्या तिघांना धडक दिल्याने एक जण ठार तर तिघे जखमी झाले. जखमीत एका महिलेचाही समावेश आहे. या अपघातात विजय सुखदेव सातपुते (48 वर्ष) रा.गोविंदपूर यांचा मृत्यू झाला.
प्राप्त माहितीनुसार, शनिवारी दुपारी गोविंदपूरजवळ भरधाव कारने एका दुचाकीला समोरासमोर धडक दिली. यामुळे दुचाकीवरील तिघेही फेकल्या गेले. त्यामुळे दुचाकीवरील विजय सातपुते हे गंभीर जखमी होऊन त्यांचा मृत्यू झाला. तर लता विजय सातपुते (40 वर्ष रा.गोविंदपूर), सुधाकर रमेश दुधबळे (24 वर्ष, रा.नवेगाव रै.) आणि देवेंद्र नामदेव भांडेकर (42 वर्ष, रा.नवैगाव रै.) हे जखमी झाले. कारचालक हरिदास कवडू शेट्ये (रा.भाडभिडी) याच्यावर गुन्हा दाखल करण्यात आला.
