गडचिरोली : राष्ट्रीय मानवाधिकार संघटनेचे प्रदेशाध्यक्ष डॉ.प्रणय खुणे यांची सरदार पटेल प्राईड ऑफ नेशन या पुरस्कारासाठी निवड करण्यात आली आहे. राष्ट्रीय मानवाधिकार असोसिएशनच्या माध्यमातून विविध सामाजिक उपक्रम राबवण्यासोबत अनेक महत्त्वाच्या मागण्या शासन दरबारी मांडून न्याय मिळवून देण्यासाठी केलेल्या प्रयत्नांची दखल घेऊन वर्दी वेलनेस फाउंडेशन ट्रस्ट, दिल्ली यांनी सदर निवड केली आहे.
गडचिरोली जिल्ह्यात खुणे कन्स्ट्रक्शन कंपनी व एल.एल. डोंगरवार कन्स्ट्रक्शन कंपनीच्या माध्यमातून नक्षलप्रभावित व प्रतिकुल परिस्थितीत काम करून प्रणय खुणे यांनी 800 किलोमीटरपेक्षा जास्त डांबरीकरण रस्ते कंत्राटाच्या माध्यमातून तयार करून आदिवासी जनतेला विकासाच्या मुख्य प्रवाहात येण्यासाठी योगदान दिले. याशिवाय विविध सामाजिक उपक्रमही ते राबवत असतात. त्यामुळे वर्दी वेलनेस फाउंडेशनच्या संस्थापक अध्यक्ष मानसी वाजपेयी यांनी डॉ.प्रणय खुणे यांची गडचिरोली जिल्ह्यातून या पुरस्कारासाठी निवड केली.
हा पुरस्कार जाहीर झाल्याबद्दल मानवाधिकार संघटनेचे प्रवक्ते ग्यानेंद्र विस्वास, प्रदेश सल्लागार प्रकाश गेडाम, प्रदेश उपाध्यक्ष भारत खटी, विदर्भ सचिव रनेन मंडल, महिला आघाडीच्या जिल्हाध्यक्ष मनीषा मडावी, जिल्हाध्यक्ष रमेश अधिकारी, जिल्हा उपाध्यक्ष नानू उपाध्ये, कृष्ण वाघाडे, बंगाली आघाडीच्या जिल्हाध्यक्ष सैकत गाईन, विष्णू ढाली, महिला आघाडीच्या जिल्हा अध्यक्ष बिजली मुजुमदार आणि इतर अनेक पदाधिकाऱ्यांचे त्यांच्या निवडीचे स्वागत व अभिनंदन केले.
