गडचिरोली : कौशल्य विकास, रोजगार व उद्योजकता माहिती तथा मार्गदर्शन केंद्र, गडचिरोलीच्या वतीने जिल्ह्यातील अनुसूचित जमातीच्या उमेदवांराकरीता एमपीएससी पूर्व प्रशिक्षण दिले जाणार आहे. बेरोजगार आदिवासी युवा वर्गाला शासकीय नोकरीसाठी हे प्रशिक्षण उपयोगाचे ठरणार आहे.
जिल्हा निवड समितीच्या विविध पदभरतीबाबत तसेच IBPS, SSC च्या परीक्षांबाबत स्पर्धापूर्व प्रशिक्षण कार्यक्रम विनामुल्य राबविण्यात येत आहे. सदर प्रशिक्षण घेऊ इच्छिणाऱ्या उमेदवांराकडे शालांत परीक्षा उत्तीर्ण असल्याचे प्रमाणपत्र व रोजगार नोंदणी कार्ड (EMPLOYMENT CARD) असणे आवश्यक आहे. प्रशिक्षणाचा कालावधी साडेतीन महीने आहे. प्रशिक्षणादरम्यान रु.1000 (एक हजार रुपये) दरमहा विद्यावेतनही दिले जाईल.
प्रशिक्षण पूर्ण करणाऱ्या उमेदवारांना चार पुस्तकांचा संच व प्रमाणपत्र देण्यात येते. कार्यालयात अर्ज विनामुल्य उपलब्ध आहेत. तसेच अर्ज दि.1 नोव्हेंबर पासून 27 नोव्हेंबर 2025 पर्यत कौशल्य विकास, रोजगार व उद्योजकता मार्गदर्शन केंद्र, गडचिरोली या कार्यालयात सादर करावेत. मुलाखत 28 नोव्हेंबर रोजी कौशल्य विकास, रोजगार व उद्योजकता माहिती व मार्गदर्शन केंद्र, शासकीय संकुल बॅरेक क्र.2 गडचिरोली येथे घेण्यात येणार आहे. अधिक माहितीसाठी 8485814488 या क्रमाकांवर संपर्क साधावा, असे आवाहन कौशल्य विकास रोजगार व उद्योजकता मार्गदर्शन अधिकाऱ्यांनी केले आहे.
