गडचिरोली : गुजरातमधील सोमनाथ मंदिरावर झालेल्या पहिल्या आक्रमणाच्या 1000 वर्षांच्या स्मरणार्थ आणि पंतप्रधान नरेंद्र मोदी यांच्या संकल्पनेतून गडचिरोलीतही “सोमनाथ स्वाभिमान पर्व” उत्साहात साजरे करण्यात आले. यानिमित्त गडचिरोली शहरातील श्रीराम मंदिर, सर्वोदय वॉर्ड येथे विशेष शिवपूजन व अभिषेक कार्यक्रम पार पडला. नगराध्यक्ष प्रणोती निंबोरकर यांच्या पुढाकाराने आयोजित या उपक्रमात शहरातील नागरिकांनी मोठ्या संख्येने सहभाग नोंदवला.
याप्रसंगी उपस्थित नागरिकांना संबोधित करताना नगराध्यक्ष निंबोरकर यांनी सनातन संस्कृतीच्या गौरवशाली परंपरेचा अभिमान जागृत करण्याचे आवाहन केले आणि राष्ट्रउत्थानासाठी एकत्रितपणे कार्य करण्याचा संकल्प व्यक्त केला.
या कार्यक्रमात भाजपचे जिल्हा महामंत्री गोविंद सारडा, जिल्हा उपाध्याय व ज्येष्ठ नेते सुधाकर येंगंधलवार, शहर अध्यक्ष व नगरसेवक अनिल कुनघाडकर, तसेच नगरसेविका योगिता पिपरे, वर्षा शेडमाके, गुड्डी मारबते, नगरसेवक हर्षल गेडाम, मुक्तेश्वर काटवे, निखिल चरडे, केशव निंबोड, बारापाञे, विश्वोजवार, सागर निंबोरकर आदी उपस्थित होते. याशिवाय स्थानिक नागरिक आणि भारतीय जनता पक्षाचे कार्यकर्ते मोठ्या संख्येने उपस्थित होते.
उपस्थित मान्यवरांनी सनातन परंपरेच्या जपाचे महत्त्व अधोरेखित केले आणि समाजातील ऐक्य व सांस्कृतिक मूल्यांचा प्रसार करण्याचा संकल्प केला. या उत्सवाने स्थानिक समाजात सांस्कृतिक जागरूकता, ऐक्य आणि परंपरेवरील अभिमान वाढवण्यास मोलाची भूमिका बजावली. नागरिकांमध्ये संस्कृती जपण्याची भावना अधिक दृढ केली आहे.
