गडचिरोली : महाराष्ट्र राज्य सांस्कृतिक धोरण-2010 अंतर्गत, ग्रंथालय संचालनालय मुंबई व जिल्हा ग्रंथालय अधिकारी आणि शिक्षण विभागामार्फत गडचिरोलीत दि.13 व 14 फेब्रुवारी दरम्यान ग्रंथोत्सवाचे आयोजन करण्यात आले आहे.
जिल्हा परिषद हायस्कूल सभागृह, चामोर्शी रोड, गडचिरोली येथे होणाऱ्या या ग्रंथोत्सवाला सहपालकमंत्री अॅड.आशिष जयस्वाल उपस्थित राहणार असल्याचे जिल्हा ग्रंथालय अधिकाऱ्यांनी कळविले आहे.
या ग्रंथोत्सवाचा शुभारंभ 13 फेब्रुवारी रोजी सकाळी 8 वाजता ग्रंथदिंडीने होणार आहे. ग्रंथोत्सव व ग्रंथ प्रदर्शनाचे उद्घाटन स.11 वाजता होईल. या निमित्ताने ग्रंथ प्रदर्शन व विक्री तसेच विविध कार्यक्रम आयोजित करण्यात आले आहेत. यामध्ये भारतीय संविधानावर परिसंवाद, सांस्कृतिक कार्यक्रम व 14 फेब्रुवारी रोजी ‘आजचा वाचक आणि ग्रंथालये’, ‘मराठी भाषा-अभिजात भाषा : उगम आणि उत्कर्ष’ यावर परिसंवाद व कविसंमेलनाचे आयोजन करण्यात आले आहे.
