गडचिरोली : जिल्हा महिला काँग्रेस कमिटीच्या वतीने जिल्हा काँग्रेस कार्यालयात क्रांतीज्योती सावित्रीबाई फुले यांच्या जयंतीनिमित्त अभिवादन तसेच काँग्रेसच्या नवनियुक्त नगरसेवकांच्या सत्कार सोहळ्याचे आयोजन केले होते.
कार्यक्रमाच्या अध्यक्षस्थानावरून बोलताना जिल्हा काँग्रेस कमिटीचे अध्यक्ष महेंद्र ब्राह्मणवाडे म्हणाले, आयुष्यात यश-अपयश हे येतच असते; मात्र अपयशाला न घाबरता ज्या पद्धतीने ज्ञानज्योती सावित्रीबाई फुले यांनी संघर्ष करून महिलांसाठी शिक्षणाची दारे खुली केली, त्याच प्रेरणेतून आपण सर्वांनी समाजासाठी आणि संघटनेसाठी सदैव संघर्षासाठी सज्ज राहिले पाहिजे, असे आवाहन त्यांनी काँग्रेस कार्यकर्ते व पदाधिकाऱ्यांना केले.
या कार्यक्रमाला विशेष अतिथी म्हणून माजी जि.प.उपाध्यक्ष मनोहर पा.पोरेटी, माजी नगराध्यक्ष ॲड.राम मेश्राम, अखिल भारतीय आदिवासी काँग्रेसच्या राष्ट्रीय सचिव कुसूम आलाम, अखिल भारतीय युवक काँग्रेसचे राष्ट्रीय सचिव ॲड.विश्वजित कोवासे, रोजगार सेलच्या जिल्हा कार्याध्यक्ष पुष्पलता कुमरे, काँग्रेस नेते प्रभाकर वासेकर, आशा तुलावी, शहर अध्यक्ष तथा नगरसेवक सतीश विधाते, नगरसेवक रमेश चौधरी, युवक काँग्रेसचे जिल्हाध्यक्ष नितेश राठोड, माजी सभापती विजय गोरडवार, जिल्हा उपाध्यक्ष नेताजी गावतुरे, गडचिरोली तालुकाध्यक्ष वसंत राऊत, वडसा तालुकाध्यक्ष राजेंद्र बुल्ले, आरमोरी तालुकाध्यक्ष मिलिंद खोब्रागडे, गडचिरोली तालुका महिला काँग्रेस अध्यक्ष कल्पना नंदेश्वर, पौर्णिमा भडके, कविता उराडे, रीता गोवर्धन, माजी नगरसेविका मीनल चिमूरकर, शीतल ठवरे यांच्यासह अनेक मान्यवर उपस्थित होते.
यावेळी गडचिरोली नगरपरिषदेचे नवनियुक्त नगरसेवक सतीश विधाते, श्रीकांत देशमुख, रमेश चौधरी, पराग पोरेड्डीवार, मनीषा खेवले, मेघा वरगंटीवार; आरमोरी नगरपरिषदेचे नवनिर्वाचित नगरसेवक अक्षय बागडे, माणिक भोयर, लता डोकरे, मेघा मने; तसेच वडसा (देसाईगंज) नगरपरिषदेचे नवनिर्वाचित नगरसेवक विकास प्रधान, श्याम उईके, राधिका पत्रे, मंदा समर्थ, गुरमितकौर चावला, आशा दहिवले, फैदीमा पठाण यांचा मान्यवरांच्या हस्ते जाहीर सत्कार करण्यात आला.
