गडचिरोली : पंतप्रधान नरेंद्र मोदी यांच्या वाढदिवसानिमित्त 17 सप्टेंबर ते 2 ऑक्टोबर या कालावधीत आयोजित सेवा पंधरवडा कार्यक्रमांतर्गत भारतीय जनता पार्टी युवा मोर्चाच्या वतीने ‘नशामुक्त भारत’ या संकल्पनेवर ‘नमो युवा रन’ मॅरेथॅान स्पर्धेचे आयोजन गडचिरोलीत केले होते. इंदिरा गांधी चौकापासून ते शासकीय विश्रामभवन, कॉम्प्लेक्सपर्यंत झालेल्या या स्पर्धेत युवा वर्गाने उत्स्फूर्तपणे सहभाग घेतला.
या स्पर्धेचा शुभारंभ माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ.अशोक नेते यांच्या हस्ते हिरवी झेंडी दाखवून करण्यात आला. तसेच स्पर्धेतील विजेत्या स्पर्धकांना बक्षिस वितरणही करण्यात आले.
यावेळी प्रामुख्याने गडचिरोलीचे आमदार डॉ.मिलिंद नरोटे, माजी आमदार डॉ.देवराव होळी, माजी आमदार डॉ.नामदेव होळी, भाजपचे जिल्हाध्यक्ष रमेश बारसागडे, माजी जिल्हाध्यक्ष प्रशांत वाघरे, कि.मो.प्र.सचिव रमेश भुरसे, महिला मोर्चाच्या जिल्हाध्यक्ष योगिता पिपरे, जिल्हा महामंत्री गिता हिंगे, भाजयुमोचे जिल्हाध्यक्ष मधुकर भांडेकर, आदिवासी आघाडीचे जिल्हाध्यक्ष डॉ.नितिन कोडवते, डॉ.चंदा कोडवते, शहराध्यक्ष अनिल कुनघाडकर, तालुकाध्यक्ष दतु सुत्रपवार, डॉ.भारत खटी, अनिल पोहनकर, भाजयुमोचे महामंत्री आकाश सातपुते, हर्षल गेडाम, साई सिल्लेवार, देवाजी लाटकर, सीमा कन्नमवार, पुष्पा करकाडे, केशव निंबोड, दतु माकोडे यांच्यासह भाजपचे पदाधिकारी, कार्यकर्ते मोठ्या संख्येने उपस्थित होते.
असे आहेत विविध गटांतील विजेते स्पर्धक :
खुला गट – मुलींमधून रुचिका सुतीन नागरकर, लावण्या सुभाष नागरकर, मंदा तुकलवार
खुला गट – मुलांमधून रोषण बोदलकर, सौरभ कन्नाके, निखिल टेंभुर्णे
वयोगट 14 ते 18 वर्ष– मुलींमधून वृंदा भुरसे, संध्या नरोटे, अश्विनी खेडेकर, गिताजंली चौधरी
वयोगट 14 ते 28 वर्ष– मुलांमधून विवेक भगत, विवेक भोयर, हर्षल सुरकर
जेष्ठ नागरिकांमधून ज्ञानेश्वर दुर्गे व श्यामराव सुरजागडे यांना बक्षीस देण्यात आले. या मॅरेथॉन स्पर्धेमुळे युवकांमध्ये आरोग्य, फिटनेस आणि व्यसनमुक्त जीवनशैलीचे महत्त्व अधोरेखित झाले.
