आरमोरी : आरमोरी विधानसभा मतदारसंघाचे महायुतीचे उमेदवार कृष्णा दामाजी गजबे यांच्या प्रचारार्थ शनिवारी सकाळी वैरागड येथील पौराणिक भंडारेश्वर मंदिरात दर्शन घेऊन प्रचार व जनसंवाद दौऱ्याचा शुभारंभ करण्यात आला.
यावेळी आ.गजबे यांनी या परिसरात 10 वर्ष केलेली कामे आणि आपली पुढील भूमिका आणि संकल्पना मतदारांसमोर ठेवत त्यांचे आशीर्वाद घेतले. या कार्यक्रमात मान्यवर मंडळींच्या उपस्थितीत गजबे यांनी जनतेशी संवाद साधून लोकांच्या समस्या जाणून घेतल्या.
रविवारी सकाळी 10 वाजतापासून गावभेटींना सुरूवात होणार आहे. यात येरकडी, मरारटोला, अंतरगाव, खेडेगाव, पलसगड, चारभट्टी, धानोरी, साधुटोला, तळेगाव, चिखली, वडेगाव असा आ.कृष्णा गजबे यांचा दौरा राहणार आहे.
