कुरखेडा : तालुक्यातील कढोली गावात मंगळवारी मोठ्या उत्साहात झालेल्या कॉर्नर सभेत ज्येष्ठ सहकार नेते तथा विधानसभा निवडणूक प्रमुख प्रकाश सावकार पोरेड्डीवार यांनी मतदारांना साद घातली. कढोली गाव म्हणजे आमचं कुटुंब आहे. निवडणुकीसाठी एकजुटीनं काम करा. तुम्ही कृष्णा गजबेंना साथ द्या, तुमची कोणतीही कामे अडणार नाही याची गॅरंटी मी घेतो, अशा विश्वास प्रकाश सावकार यांनी कढोलीवासियांना दिला.
या सभेला मोठ्या संख्येने नागरिक, विशेषतः महिलांनी उपस्थिती लावली. यावेळी प्रकाश सावकार पोरेड्डीवार व आमदार कृष्णा गजबे यांचे शाल व श्रीफळ देऊन स्वागत करण्यात आले. उपस्थित नागरिकांनी त्यांच्या भाषणाला टाळ्यांच्या गजरात प्रतिसाद दिला आणि नारे लावत प्रतिसाद देऊन सहकार्य देण्याचा विश्वास व्यक्त केला.
सभेपूर्वी आमदार गजबे यांनी कढोली येथील प्रसिद्ध दुर्गादेवी मंदिरात दर्शन घेतले. सभेला प्रामुख्याने बुथ प्रमुख रोशन चौधरी, सुभाष धोटे, पुरुषोत्तम डडमल, किशोर ठाकरे आणि विठ्ठल वाकडे यांच्यासह कार्यकर्त्यांनी गर्दी केली होती. महिलांमध्ये प्रामुख्याने महिला मोर्चाच्या शहर अध्यक्ष कल्पना मांडवे, तालुका महामंत्री कविता खडसे , जिल्हा उपाध्यक्ष रूपाली कावडे, जिल्हा सचिव शितल लांजेवार, महामंत्री रंजू मेश्राम, महामंत्री चित्रा गजबे, रेखा रामटेके, कलाबाई चंदनखेडे, शोभा हरीकर प्रामुख्याने उपस्थित होत्या.
अनुसूचित जाती मोर्चाचे जिल्हाध्यक्ष अॅड.उमेश वालदे, अल्पसंख्याक आघाडीचे जिल्हाध्यक्ष बबलू हुसैनी, ओबीसी आघाडीचे जिल्हा महामंत्री रवींद्र गोटेफोडे, कृषी उत्पन्न बाजार समिती उपसभापती व्यंकटी नागीलवार, भाजपचे महामंत्री विनोद नागपुरकर, खेमराज पाटील डोंगरवार, चंद्रकांत चौके आणि जयंत निंबेकर यांच्यासह अनेक प्रमुख कार्यकर्ते व गावातील शेकडो नागरिक सभेत उपस्थित होते.
