चामोर्शी : पुढील पाच वर्षात मुदत संपणाऱ्या चामोर्शी तालुक्यातील 75 ग्रामपंचायतींच्या सरपंचपदाची आरक्षण सोडत काढण्यात आली. त्यात सर्वसाधारण प्रवर्गासाठी 33 जागा, अनुसूचित जमातीसाठी 21 (पेसा) अधिक 2 अशा 23 जागा, अनुसूचीत जातीसाठी 4 तर नामाप्र साठी 15 जागा राखीव राहतील. सर्व प्रवर्गातून एकूण 37 महिलांना सरपंचपदाची संधी मिळणार आहे. (अधिक बातमी खाली वाचा)
सर्वसाधारण प्रवर्गासाठी राखीव ग्रामपंचायतींमध्ये गौरीपूर, धारगाव, सुभाषग्राम, सोमनपल्ली, नेताजीनगर, बहादूरपूर, वरूर, हळदवाही, मार्कंडा कं., भेंडाळा, विक्रमपूर, मालेरमाल, विसापूर रै., नवरगाव, चंदनखेडी, वाकडी अशा 16 ठिकाणी सरपंचपद सर्वसाधारण महिलांसाठी राखीव राहणार आहे. तर आष्टी, वाघोली, मार्कंडा देव, दोटकुली, सीमुलतला, हळदीमाल, तळोधी (मो.), जामगिरी, वालसरा, कान्होली, रामाळा, लखमापूर बोरी, दुर्गापूर, वायगाव, मुरखळा चक, नवेगाव रै ही गावे सर्वसाधारण प्रवर्गासाठी राखीव राहतील.
अनुसूचित क्षेत्रातील (पेसा) ग्रामपंचायतींमध्ये चौडमपल्ली, कुरूड, मक्केपल्ली माल, मारोडा, मुधोली रिठ, कुथेगाव, माडेआमगाव, पेटतळा, ठाकरी, इल्लूर, कुनघाडा माल ही 10 गावे महिला सरपंचासाठी राखीव राहतील. तर गिलगाव, पावीमुरांडा, मुरमुरी, येडानूर, सगनापूर, सोनापूर, रेगडी, जयरामपूर, मुधोली चक 2, भाडभिडी बी. येथील सरपंचपद अनुसूचित जमाती (सर्वसाधारण) साठी राखीव राहील. याशिवाय पेसा क्षेत्राबाहेरील अनुसूचित जमाती प्रवर्गासाठी राखीव असणाऱ्या ग्रामपंचायतींमध्ये मोहुर्ली मो. आणि अनखोडा (महिला) यांचा समावेश आहे.
अनुसूचित जाती प्रवर्गासाठी राखीव 4 ग्रामपंचायतींमध्ये चापलवाडा (महिला), कुनघाडा रै., वेलतूर तु. (महिला), आणि मक्केपल्ली चक नं.1 या गावांचा समावेश आहे.
नागरिकांचा मागास वर्ग या प्रवर्गासाठी राखीव ग्रामपंचायतींमध्ये भाडभिडी (मो), कोनसरी, मुधोली तुकूम, कळमगाव, अड्याळ, गणपूर रै., विकासपल्ली या ठिकाणी महिला सरपंच राहतील. तर फराडा, घोट, चाकलपेठ, फोकुर्डी, कढोली, आमगाव महाल, नवेगाव माल आणि वसंतपूर येथील सरपंचपद नामाप्र (सर्वसाधारण) प्रवर्गासाठी राखीव राहणार आहे.
