गडचिरोली : यावर्षी खरीप हंगामातील धानाची आधारभूत किमतीनुसार विक्री करण्यासाठी खरेदी केंद्रांना जिल्हाधिकाऱ्यांनी मंजुरी दिली आहे. मात्र केंद्रांवर धान विक्री करण्याआधी शासनाच्या पोर्टलवर नोंदणी करणे आवश्यक आहे. त्यासाठी 30 नोव्हेंबरपर्यंत दिलेली मुदत वाढवून आता 15 डिसेंबर करण्यात आली आहे.
शासनाच्या बिम पोर्टलवर ही आॅनलाईन नोंदणी केल्यानंतरच अधिकृत खरेदी केंद्रांवर जाऊन शेतकऱ्यांना धान विक्री करता येणार आहे. धान खरेदीसाठी आदिवासी विकास महामंडळ आणि जिल्हा मार्केटिंग फेडरेशन अशा दोन अभिकर्ता संस्थांची नेमणूक करण्यात आली आहे.
