अहेरी : येथील बौद्ध विहाराच्या प्रांगणात ज्ञान प्रसारक मंडळाच्या वतीने 6 डिसेंबरला भारतीय राज्यघटनेचे शिल्पकार, महामानव डॉ.बाबासाहेब आंबेडकर यांचा महापरिनिर्वाण दिन साजरा करण्यात आला. यानिमित्त शहरातून भीमज्योती रॅली काढून महामानवाला आदरांजली वाहण्यात आली.
सकाळी अहेरी बौद्ध समाज मंडळाचे संस्थापक अध्यक्ष नारायण अलोणे यांच्या हस्ते निळा ध्वज फडकावून सामूहिक त्रिशरण-पंचशील ग्रहण करण्यात आले. त्यानंतर मौन धारण करून डॉ.आंबेडकर यांना श्रद्धांजली अर्पित करण्यात आली.
याप्रसंगी ज्ञान प्रसारक मंडळाचे सचिव सुरेंद्र अलोणे यांनी डॉ.बाबासाहेबांच्या ऐतिहासिक व संघर्षमय जीवनावर व घटनांवर प्रकाश टाकून फुले, शाहू, आंबेडकरांचे विचारच या देशाला तारणार असल्याचे म्हणत मार्गदर्शन केले.
सायंकाळी अहेरी शहरातून भीमज्योत रॅली काढण्यात आली. यावेळी मंडळाचे अध्यक्ष एकनाथ चांदेकर, सचिव सुरेंद्र अलोणे, सहसचिव प्रशांत भिमटे, देवाजी अलोणे, रामचंद्र ढोलगे, राजानंद दहागावकर, शिवाजी ढोलगे, डॉ.चेतन अलोणे, संजय ओंडरे, राहुल गर्गम, संदीप ढोलगे, प्रणय अलोणे यांच्यासह मोठ्या संख्येने समाजबांधव उपस्थित होते.
