धानोरा : तालुक्यातील चातगाव येथे १ ऑक्टोबरला एक तारीख एक तास या उपक्रमांतर्गत महाश्रमदान करण्यात आले. चातगाव पोलिसांच्या मदतीने आणि ग्रामपंचायतच्या पुढाकाराने राबविलेल्या या अभियानात गावकऱ्यांसह सर्वजण मोठ्या उत्साहाने सहभागी झाले होते.
यावेळी ग्रामपंचायतचा परिसर, जिल्हा परिषद शाळेचा परिसर, पोलीस स्टेशन परिसर, गावातील मुख्य रस्त्याच्या बाजुचा परिसर, आठवडी बाजाराची जागा महाश्रमदानातून स्वच्छ करण्यात आली. यावेळी सरपंच गोपाल उईके, ग्रामसेवक रणजित राठोड, पर्यवेक्षिका अर्चना हेमके, विस्तार अधिकारी ताईसाहेब रामटेके,
गावपुजारी शिवशंकर मडावी, पोलिस अधिकारी एपीआय संतोष पाटील व सर्व पोलिस कर्मचारी प्रामुख्याने उपस्थित होते.
तसेच 2 ऑक्टोबरला राष्ट्रपिता महात्मा गांधी जयंती ग्रामपंचायत चातगांव येथे सरपंच गोपाल उईके, ग्रामसेवक रणजित राठोड यांच्या उपस्थितीत महात्मा गांधींच्या प्रतिमेचे पुजन आणि जयघोष करून शपथ घेण्यात आली. यावेळी गांधी जयंतीचे इतरही कार्यक्रम पार पाडले.
