अहेरी : आमदार तथा माजी मंत्री धर्मरावबाबा आत्राम यांनी पुन्हा एकदा विविध विकासात्मक कामांचे लोकार्पण आणि भूमिपूजनाचा धडाका सुरू केला आहे. शुक्रवारी (दि.10) नगर पंचायतीअंतर्गत नागेपल्ली येथे स्वच्छ भारत अभियान प्रकल्पाचे लोकार्पण आणि नवीन शेड बांधकामाचे भूमिपूजन करण्यात आले.
अहेरी येथील बाजारवाडीत भव्य निवारा छताचे लोकार्पण आणि सोबतच स्वच्छ पिण्याच्या पाण्यासाठी एटीएमचे लोकार्पण करण्यात आले. अहेरी उपजिल्हा रुग्णालयालगतच्या दानशूर चौकात आणि बस डेपो येथेही स्वच्छ पिण्याच्या पाण्यासाठी वॉटर एटीएमची सोय करण्यात आली.
यावेळी अहेरीच्या नगराध्यक्ष रोजा करपेत, उपाध्यक्ष शैलेश पटवर्धन, मुख्याधिकारी गणेश शहाणे, कृषी उत्पन्न बाजार समितीचे सभापती रवींद्रबाबा आत्राम, नगरसेवक विलास सिडाम, महेश बाक्केवार, विलास गलबले, नगरसेविका नौरास शेख , ज्योती सडमेक, मिना ओंडरे, राष्ट्रवादी काँगेस पक्षाचे श्रीकांत मद्दीवार, लक्ष्मण येरावार, नागेश मडावी, सामाजिक कार्यकर्ते सुरेंद्र अलोणे, सुलतान पठाण, मखमुर शेख, पितांबर कुळमेथे, राजेश्वर रंगुलवार यांच्यासह शहरातील नागरिक उपस्थित होते.
