गडचिरोली : व्याहाड बुज. येथील नरेश भांडेकर यांचा रविवारी गडचिरोली-चंद्रपूर मार्गावरील सावलीच्या पेट्रोल पंपाजवळ अपघात झाला. त्यांच्यावर नागपूर येथील खासगी रुग्णालयात उपचार सुरू आहेत. खासदार अशोक नेते यांनी नागपूर येथील चिरायू रूग्णालयात जाऊन भांडेकर यांची भेट घेऊन डॉ.शंशाक खरवडे यांच्याशी चर्चा केली.
गंभीर जखमी झालेल्या भांडेकर यांच्यावर चांगल्या प्रकारचे उपचार करून त्यांना लवकर बरे करावे, अशी सूचना करत खा.नेते यांनी उपचारासाठी आर्थिक मदतही केली. यावेळी ऑपरेशनच्या खर्चासंबंधी मुख्यमंत्री सहायता निधीतून मदत मिळवून देण्यासाठी प्रयत्न केला जाईल, असे याप्रसंगी खा.नेते यांनी सांगत नातेवाईकांना दिलासा दिला.
