गडचिरोली : जिल्ह्यात जुलै महिन्यात झालेल्या पावसाने पावसाचा सर्व बॅकलॅाग भरून काढला. एवढेच नाही तर 31 जुलैअखेरपर्यंत पडणाऱ्या पावसाची सरासरी ओलांडली आहे. या सरासरीच्या तुलनेत जिल्हाभरात 162.8 टक्के एवढा पाऊस झाल्याची नोंद घेण्यात आली. 1 जून ते 31 जुलैपर्यंत सरासरी 638.8 मिमी पाऊस बरसतो. पण यावर्षी प्रत्यक्षात 1040 मिमी पाऊस बरसला आहे.
तालुकानिहाय पडलेल्या पावसावर एक नजर टाकल्यास सरासरीच्या तुलनेत सर्वाधिक, म्हणजे 183.9 टक्के पाऊस सिरोंचा तालुक्यात झाला आहे. मात्र प्रत्यक्षात झालेले पर्जन्यमान पाहता सर्वाधिक 1184 मिमी पाऊस कुरखेडा तालुक्यात कोसळला आहे.
तालुकानिहाय प्रत्यक्ष बरसलेला पाऊस खालीलप्रमाणे आहे.
गडचिरोली 1173.8 मिमी (160.3 टक्के), धानोरा 1122.9 मिमी (140.2 टक्के), देसाईगंज 1166 मिमी (171.3 टक्के, आरमोरी 1051.2 मिमी (169.8 टक्के) कुरखेडा 1184.9 (154 टक्के), कोरची 951.2 मिमी (129.2 टक्के), चामोर्शी 817.1 मिमी (165.7 टक्के), मुलेचरा 989 मिमी (156.1 टक्के), अहेरी 866.8 (136.5 टक्के), सिरोंचा 1005.9 (183.9 टक्के), एटापल्ली 971.1 मिमी (140.5 टक्के), भामरागड 1179.7 मिमी (176.5 टक्के)
