गडचिरोली : निवडणूक निरीक्षक राजेंद्रकुमार कटारा यांनी मंगळवारी (दि.5) जिल्हा माहिती कार्यालयातील माध्यम प्रमाणिकरण व सनियंत्रण कक्षाला आकस्मिक भेट देवून पाहणी केली. जिल्हा माहिती अधिकारी गजानन जाधव यांनी त्यांना कामकाजाची माहिती दिली. या कक्षाची कार्यपद्धती पाहिल्यानंतर निरीक्षक कटारा यांनी समाधान व्यक्त केले.
यावेळी कटारा यांचे संपर्क अधिकारी असलेले उपकार्यकारी अभियंता संजय भंडारकर, माध्यम कक्षातील प्रा.रोहित कांबळे, प्रा.चैतल्य शिनखेडे, प्रा.प्रितेश जाधव, महादेव बसेना, स्वप्निल महल्ले आदी यावेळी उपस्थित होते.
