भामरागड : तालुक्यातील आरेवाडा ग्रामपंचायतअंतर्गत समाविष्ट कारमपल्ली येथे राष्ट्रवादी काँग्रेसच्या नेत्या तथा माजी जि. प. अध्यक्ष भाग्यश्री आत्राम यांच्याहस्ते विविध विकास कामांचे भूमिपूजन करण्यात आले.
भामरागड हा आदिवासीबहुल व नक्षलग्रस्त तालुका म्हणून ओळख आहे. या तालुक्यातील अनेक गावांमध्ये विविध सुविधा निर्माण करण्यासाठी मंत्री धर्मरावबाबा आत्राम यांनी मोठ्या प्रमाणात निधी दिला आहे. या निधीतून गावांचा कायापालट होणार आहे. येथील नागरिकांच्या मागणीनुसार गावात विकास कामे मंजूर करण्यात आली. नुकतेच माजी जि.प. अध्यक्ष भाग्यश्री आत्राम यांच्याहस्ते विविध विकास कामांचे भूमिपूजन करण्यात आले.
कारमपल्ली येथील विकास कामांच्या भूमिपूजनप्रसंगी राष्ट्रवादी काँग्रेसचे अहेरी विधानसभा अध्यक्ष लक्ष्मण येरावार, सामाजिक कार्यकर्ते अरुण मुक्कावार, सेवानिवृत्त प्राचार्य रतन दुर्गे, घिसू वाचामी, चिना वाचामी, मनसु मट्टामी, रामजी मडावी, सदू वाचामी, मंगु वाचामी, रवी वाचामी, जगदीश धुर्वा, शंकर मट्टामी, छाया मट्टामी, रमी वाचामी आदी उपस्थित होते.
