देसाईगंज : पंतप्रधान नरेंद्र मोदी यांच्या ‘एक पेड माँ के नाम’ या मोहिमेच्या अनुषंगाने शनिवारी देसाईगंज तालुक्यातील मौजा शंकरपूर गावातील जिल्हा परिषद उच्च प्राथमिक शाळेत वृक्षारोपण करण्यात आले. या कार्यक्रमात आमदार कृष्णा गजबे यांनी सहभागी होऊन विद्यार्थी व शिक्षकांसोबत वृक्षारोपण केले.
यावेळी मुलांना पर्यावरण रक्षणासाठी प्रेरित करण्यात आले. पंतप्रधान मोदींचा हा उपक्रम यशस्वी करण्यासाठी प्रत्येकाने रोपे लावून योगदान देण्याचे आवाहन यावेळी आ.गजबे यांनी केले.
यावेळी मुख्याध्यापक भाऊसाहेब धुर्वे, शिक्षक भूषण भोयर, ज्येष्ठ शिक्षक वझाडे यांच्यासह शाळेतील कर्मचारी उपस्थित होते.
