गडचिरोली : आदिवासी विकासमंत्री प्रा.अशोक उईके हे दिनांक 25 व 26 एप्रिल 2025 रोजी गडचिरोली जिल्ह्याच्या दौऱ्यावर येत आहेत. या दौऱ्यात ते विविध विकासकामांचा आढावा घेणार आहेत.
ना.उईके 25 एप्रिल रोजी सायंकाळी 5 वाजता जिल्हाधिकारी कार्यालय, गडचिरोली येथे जिल्हा प्रकल्प कार्यालय तसेच आदिवासी विकास महामंडळाअंतर्गत राबविण्यात येणाऱ्या धान खरेदी योजनेचा व इतर विकासकामांचा सविस्तर आढावा घेणार आहेत.
26 एप्रिलला सकाळी 9 ते 10 या वेळेत ते अहेरी येथील विश्रामगृहात आदिवासी विद्यार्थी व महायुतीच्या पदाधिकाऱ्यांशी विविध विषयांवर चर्चा करतील. त्यानंतर सकाळी 10 ते 12 दरम्यान एकात्मिक आदिवासी विकास प्रकल्प अहेरी येथे प्रकल्प कार्यालय तसेच धान खरेदी योजनेचा आढावा घेतील. दुपारी 1 ते 3 या वेळेत ते एकात्मिक आदिवासी विकास प्रकल्प, अहेरी येथे आयोजित लाभार्थी संमेलनात सहभागी होतील आणि दुपारी 3 वाजता तेथेच पत्रकार परिषदेला संबोधित करतील.
