गडचिरोली : जिल्ह्यातील 12 पंचायत समित्यांच्या सभापतीपदांचे आरक्षण निश्चित करण्यासाठी आज (दि.10 ऑक्टोबरला) दुपारी 12.30 वाजता सोडत काढण्यात येणार आहे. ही सोडत जिल्हाधिकारी कार्यालयातील जिल्हा नियोजन समितीच्या सभागृहात सर्वांसमोर काढली जाणार आहे. जिल्ह्यातील 12 पैकी 8 पं.स.सभापतीपद हे एसटी प्रवर्गासाठी राखीव राहणार आहे.
ग्रामविकास विभाग मंत्रालय, मुंबई यांच्या 17 सप्टेंबर 2025 च्या पत्रानुसार, गडचिरोली जिल्ह्यातील पंचायत समित्यांच्या सभापतीपदांसाठी खालीलप्रमाणे आरक्षण निश्चित करण्यात आले आहे. त्यापैकी कोणत्या पंचायत समितीकरिता कोणत्या प्रवर्गातील सभापती राहणार हे मात्र सोडतीमध्ये निश्चित होणार आहे.
अनुसूचित क्षेत्रात न मोडणाऱ्या 5 पंचायत समित्या
गडचिरोली जिल्ह्यातील देसाईगंज, आरमोरी, गडचिरोली, चामोर्शी आणि मुलचेरा या 5 (पाच) पंचायत समित्या संपूर्णतः अनुसूचित क्षेत्रात मोडणाऱ्या नाहीत. त्यामुळे या 5 ठिकाणच्या सभापतीपदांमध्ये अनुसूचित जाती (महिला) : 1 पद, अनुसूचित जमाती (महिला): 1 पद, नागरिकांचा मागास प्रवर्ग : 2 पदे, नागरिकांचा मागास प्रवर्ग (महिला) : 1 पद याप्रमाणे आरक्षण राहणार आहे.
संपूर्णतः अनुसूचित क्षेत्रामधील 7 पंचायत समित्या
कोरची, कुरखेडा, धानोरा, एटापल्ली, भामरागड, अहेरी आणि सिरोंचा या 7 पंचायत समित्या संपूर्णतः अनुसूचित क्षेत्रामधील असल्यामुळे, त्या ठिकाणच्या सभापतीपदांसाठी पुढीलप्रमाणे आरक्षण असेल. अनुसूचित जमाती : 3 पदे, अनुसूचित जमाती (महिला) : 4 पदे
ज्या नागरिकांना या सभेला उपस्थित राहण्याची इच्छा आहे, त्यांनी जिल्हाधिकारी कार्यालय येथील जिल्हा नियोजन समितीच्या सभागृहात वेळेत उपस्थित राहावे, असे उपजिल्हाधिकारी (सामान्य) स्मिता बेलपत्रे यांनी कळविले.
