आरमोरी : आरमोरी विधानसभा क्षेत्रात महायुतीचे उमेदवार कृष्णा गजबे यांच्या प्रचाराची सांगता रॅलीने झाली. या रॅलीत मोठ्या संख्येने कार्यकर्ते आणि नागरिकांनी सहभागी होऊन सर्वत्र कमळ फुलविण्याचे संकेत दिले.
विधानसभा निवडणूक प्रमुख तथा ज्येष्ठ सहकार नेते प्रकाश सावकार पोरेड्डीवार यांचा या रॅलीत विशेष सहभाग होता. त्यांनी घरोघरी जाऊन नागरिकांशी संवाद साधला. त्यांच्या नेतृत्वाने रॅलीला आणखी बळ दिले. आरमोरीकरांनीही त्यांना उत्स्फूर्त प्रतिसाद दिला.
या रॅलीत महिलांची उपस्थिती लक्षणीय होती. दुर्गामातेच्या मूर्तीसमोर आशीर्वाद घेऊन रॅलीला सुरुवात करण्यात आली. नागरिकांनी मोठ्या उत्साहात आमदार गजबे यांचे स्वागत केले.
या रॅलीच्या निमित्ताने गावात जणू सणासारखे वातावरण तयार झाले होते. ‘कृष्णाभाऊ आगे बढो’ अशा घोषणा आणि फुलांची उधळण करणाऱ्यांनी रॅलीत उत्साह संचारला होता. नागरिकांनी आ.गजबे यांच्याबद्दलचे प्रेम आणि समर्थन खुलेपणाने व्यक्त केले.
