मुलचेरा : तालुक्यातील श्रीनगर येथील आदर्श स्पोर्टिंग फुटबॉल क्लब श्रीनगर यांच्या वतीने फुटबॉल स्पर्धेचे आयोजन केले आहे. या स्पर्धेचे उद्घाटन काँग्रेस नेते तथा माजी जि.प.अध्यक्ष आणि अहेरी बाजार समितीचे सभापती अजय कंकडालवार आणि आदिवासी काँग्रेसचे जिल्हाध्यक्ष हणमंतू मडावी यांच्या हस्ते करण्यात आले.
या स्पर्धेचे प्रथम पारितोषिक कंकडालवार यांच्या हस्ते, तर तृतीय पारितोषिक हणमंतू मडावी यांच्याकडून देण्यात येणार आहे. पाहुण्यांचे गावात आगमन होताच नागरिकांनी विविध नृ्त्य करत ढोलताशांनी त्यांचे स्वागत केले. सर्वप्रथम माता सरस्वती, सुभाषचंद्र बोस, स्वामी विवेकानंद यांच्या प्रतिमेला पुष्पार्पण व अभिवादन करण्यात आले.
मंचावर कमलेश सरकार, समीर रॉय, त्रिशा नैताम, सुकमार दारू, रॅबिन मिस्त्री, मुन्ना नैताम, निरापद विश्वास, जगन्नाथ मजुमदार, अविनाश दारु, रॉबिन दारू, दिनबंधू पाल, असीम सरकार, दुलाल मंडल, शंकर कुटीर, शंकर सरकार, शिवपद बुधक, शंकर बनिक, कार्तिक तोगम, स्वप्नील मडावी, आकाश देवान, साधन बनिक, सचिन पंचार्य यांच्यासह परिसरातील काँग्रेसचे पदाधिकारी व कार्यकर्ते उपस्थित होते.
