अहेरी : अहेरी शहरातील विविध भागात घरोघरी ना.धर्मरावबाबा आत्राम यांचा वचननामा पोहोचवण्यासाठी आत्राम कुटुंबातील सदस्यांसह पदाधिकारी आणि कार्यकर्ते आता ‘डोअर टू डोअर’ जात आहेत. छोटेखानी रोड शो करत राष्ट्रवादीचे कार्याध्यक्ष रियाज शेख, सुरेंद्र अलोने यांच्यासह धर्मरावबाबांचे पूत्र हर्षवर्धनबाबा आणि स्नुषा डॅा.मिताली यांनीही या प्रचारात सहभाग घेऊन पॅाम्प्लेटचे वाटप केले.
प्रामुख्याने किष्किंदरावबाबा आत्राम (साईबाबा), हर्षवर्धनबाबा आत्राम, डॉ.मिताली आत्राम यांच्या नेतृत्वात आणि राष्ट्रवादी काँगेस पक्षाचे जिल्हा कार्यकारी अध्यक्ष रियाज शेख, सुरेंद्र अलोणे, नगरसेविका नौरास रियाज शेख यांच्या पुढाकारातून धर्मरावबाबांचे व्हिजन घरोघरी पोहोचवण्यात आले. यावेळी मोठ्या संख्येने महिला भगिनी, युवक-युवती आणि धर्मरावबाबा यांचे कट्टर समर्थक व चाहते उपस्थित होते.
प्रभाग क्रमांक 12 व 13 (आंबेडकर चौक, ऊर्दू शाळा परिसर, माता मंदिर वॉर्ड) प्रभागात रियाज शेख व सुरेंद्र अलोने यांच्या नेतृत्वात धर्मरावबाबांच्या प्रचारार्थ घरोघरी पोहोचून सकारात्मक वातावरण निर्मिती करण्यात आली.
