गडचिरोली : भारतरत्न डॉ.बाबासाहेब आंबेडकर यांची 134 वी जयंती 14 एप्रिल 2025 रोजी साजरी करण्यात येत आहे. या पार्श्वभूमीवर जिल्हा प्रशासनाच्या वतीने 13 एप्रिल 2025 रोजी “जयभीम पदयात्रा” काढली जाणार आहे.
ही पदयात्रा सकाळी 7.30 वाजता जिल्हा क्रीडा संकुल, कॉम्प्लेक्स एरिया, गडचिरोली येथून सुरू होऊन आय.टी.आय.चौक, डॉ.बाबासाहेब आंबेडकर पुतळा आणि शेवटी शासकीय विश्रामगृहात (चंद्रपूर रोड) पोहोचून तेथे समारोपीय कार्यक्रम होणार आहे.
या कार्यक्रमात गडचिरोली जिल्ह्यातील, तसेच शहरातील नागरिक, विद्यार्थी, युवक-युवती, खेळाडू, विविध युवक व क्रीडा मंडळांचे पदाधिकारी, तसेच अधिकारी व कर्मचारी यांनी मोठ्या संख्येने सहभागी व्हावे, असे आवाहन जिल्हा क्रीडा अधिकारी भास्कर घटाळे यांनी केले आहे.
