गडचिरोली : राज्याचे कार्यकुशल व लोकभावनेचा आदर करणारे मुख्यमंत्री तथा जिल्ह्याचे पालकमंत्री देवेंद्र फडणवीस यांच्या वाढदिवसानिमित्त गडचिरोलीत आज (दि.22) विविध सेवाभावी उपक्रमांचे आयोजन करण्यात आले आहे. माजी खासदार तथा भाजपच्या अनुसूचित जनजाती मोर्चाचे राष्ट्रीय महामंत्री डॉ.अशोक नेते यांच्या वतीने हे कार्यक्रम घेतले जात आहेत. (अधिक बातमी खाली वाचा)
यात दिव्यांग व अंध बांधवांसाठी मदतीचा हात!
या कार्यक्रमांमध्ये अंध व्यक्तींना स्पेशल सेन्सिटिव्ह स्टिक्स (Voice Sensor Stick) चे वाटप करण्यात येणार आहे. या स्टिकच्या साहाय्याने त्यांना आवाजावरून माहिती मिळवता येते, दिशा समजते आणि त्यांची चालण्याची प्रक्रिया अधिक स्वावलंबी होते. ही स्टिक दिव्यांग बांधवांसाठी एक प्रकारची दृष्टी देणारी साथ ठरणार आहे.
मतीमंद विद्यार्थ्यांसाठी शालेय साहित्य वाटप
गडचिरोली येथील बोदली मतीमंद विद्यालयातील विद्यार्थ्यांना आवश्यक शैक्षणिक साहित्याचे वाटप करण्यात येणार आहे. या साहित्यामुळे त्यांच्या शैक्षणिक प्रवासाला प्रोत्साहन मिळेल आणि त्यांचा आत्मविश्वास वाढेल. याशिवाय सामाजिक जाणीवेतून प्रेरित होऊन, अपंग मुलींना नवीन कपड्यांचे वाटप करण्यात येणार आहे, जे त्यांच्यासाठी आदर, आनंद आणि आत्मसन्मान देणारे ठरेल.
“माणुसकीचा घास” उपक्रम
सामाजिक जागरूकता निर्माण करत माणुसकीचा घास या उपक्रमाअंतर्गत महिला व बाल रुग्णालय गडचिरोली येथील रुग्णांच्या नातेवाईकांना अन्नदानाचा कार्यक्रम होणार आहे.
सर्व दिव्यांग व गरजू बांधवांनी या कार्यक्रमात सहभागी होऊन लाभ घ्यावा, अशी विनंती मा.खा.डॅा.अशोक नेते यांनी केली आहे. या सर्व कार्यक्रमांच्या माहितीसाठी आणि त्याचा लाभ घेण्यासाठी डॉ.अशोक नेते यांच्या जनसंपर्क कार्यालयात किंवा मोबाईल नं. 9421823087, 8308741707 किंवा 9673757718 यावर संपर्क करावा.
