गडचिरोली : महाराष्ट्राचे मुख्यमंत्री तथा गडचिरोली जिल्ह्याचे पालकमंत्री देवेंद्र फडणवीस यांच्या वाढदिवसानिमित्त त्यांनी केलेल्या सामाजिक आवाहनाला सकारात्मक प्रतिसाद देत, भाजपा उद्योग आघाडीचे जिल्हाध्यक्ष आकाश अग्रवाल यांनी मुख्यमंत्री सहाय्यता निधीसाठी 7 लाख 1 हजार रुपयांची थेट मदत दिली. आरमोरी विधानसभा क्षेत्राचे माजी आमदार कृष्णा गजबे यांच्या वतीने हा धनादेश मुख्यमंत्री देवेंद्र फडणवीस यांच्याकडे सुपूर्द करण्यात आला.
मुख्यमंत्री देवेंद्र फडणवीस यांनी आपल्या वाढदिवसाचा सार्वजनिक उत्सव टाळून, जाहिराती, फलक, पुष्पगुच्छ किंवा हार यांवर अनावश्यक खर्च न करता, समाजोपयोगी कार्यासाठी ‘मुख्यमंत्री सहाय्यता निधी’ला योगदान देण्याचे आवाहन केले होते. त्यांच्या आवाहनाला प्रतिसाद देत, भाजपा उद्योग आघाडीचे जिल्हाध्यक्ष आकाश अग्रवाल यांनी 7 लाख 1 हजार रुपयांची मदत देत समाजापुढे एक आदर्श ठेवला आहे. समाजाप्रती असलेली बांधिलकी आणि सामाजिक जबाबदारीचे हे उदाहरण ठरले.
यावेळी सहपालकमंत्री अॅड.आशिष जयस्वाल, आमदार डॉ.परिणय फुके, गडचिरोलीचे आमदार मिलिंद नरोटे, भाजपचे जिल्हा उपाध्यक्ष राजेश जेठाणी, माजी नगरसेवक नरेश विठ्ठलानी हे देखील उपस्थित होते.
