गडचिरोली : महाराष्ट्र शासनाच्या क्रीडा व युवक सेवा संचालनालय पुणे अंतर्गत जिल्हा क्रीडा अधिकारी कार्यालय व जिल्हा क्रीडा परिषदेच्या संयुक्त विद्यमाने जिल्हास्तरीय युवा महोत्सवाचे आयोजन करण्यात आले होते. यातून विविध स्पर्धांच्या विभागीय फेरीसाठी स्पर्धकांची निवड करण्यात आली.
युवा महोत्सवाच्या उद्घाटनप्रसंगी प्रमुख अतिथी म्हणून अतिरिक्त जिल्हाधिकारी नितीन गावंडे, शासकीय विज्ञान महाविद्यालय गडचिरोलीचे प्राचार्य डॉ.प्रशांत जाखी, एस.चंद्रा विज्ञान महाविद्यालय आष्टीच्या प्राचार्य डॉ.अनिता लोखंडे, जेष्ठ कलावंत मारोतराव इचोडकर व सेवानिवृत्त क्रीडा अधिकारी मदन टापरे उपस्थित होते. दीप प्रज्वलन तथा नटराज प्रतिमेचे पुजन करुन सदर युवा महोत्सवाचे उद्घाटन करण्यात आले.
या जिल्हास्तरीय युवा महोत्सवामध्ये विविध कला प्रकारांत जिल्ह्यातील 150 पेक्षा जास्त कलाकारांनी सहभाग नोंदवला. याप्रसंगी शालेय विद्यार्थी व नागरीक उपस्थित होते. सर्व कलास्पर्धेचा अंतिम निकाल जिल्हा क्रीडा अधिकारी भास्कर घटाळे यांनी सायंकाळच्या सत्रात जाहीर केला आणि विभागीय स्पर्धेकरीता पात्र ठरलेल्या सर्व कलाकारांना सुभेच्छा दिल्या.
युवा महोत्सवातील विविध स्पर्धांच्या परिक्षणाची जबाबदारी डॉ.अनिता लोखंडे, डॉ.राम वासेकर, डॉ.सुरेश शेंडे, डॉ.प्रितेश जाधव, जितेंद्र रायपुरे, डॉ.मंदार पैगनकर, एम.वी. लांडे, शासकीय तंत्र निकेतन गडचिरोली, संजय घोटेकर, विवेक कहाळे, राकेश चटगुलवार, वैशाली मडावी आदींनी सांभाळली.
युवा महोत्सवात सहभागी झालेल्या सर्व कलाकारांना अल्पोपहार व भोजनाची व्यवस्था आयोजन समितीच्या वतीने करण्यात आली होती. युवा महोत्सवात सहभागी युवा-युवती, विद्यार्थी यांना टी-शर्टस् वितरीत करण्यात आले.
जिल्हास्तरावर प्राविण्यप्राप्त कलाकार असे आहेत
लोकनृत्य : मॉडेल डिग्री कॉलेज, गडचिरोली यांचा ग्रुप
लोकगीत : मॉडेल डिग्री कॉलेज, गडचिरोली यांचा ग्रुप
कथालेखन : प्रथम-अमर ज्ञानेश्वर भुगे, द्वितीय- प्रतिक कृष्णा म्हरसकोल्हे, तृतीय- हर्षल अनिल सावरकर
चित्रकला : प्रथम- सुरज बंडू गद्दे, द्वितीय- पुजा प्रमोद दुपारे, तृतीय- कृतिका गुरुदेव चापले
वक्तृत्व स्पर्धा : प्रथम- अरबाज मुस्तफा शेख, द्वितीय- शुभांगी सुरपाम, तृतीय- हर्षल सावरकर
काव्यलेखन : प्रथम- अरबाज मुस्तफा शेख, द्वितीय- हर्षल भानारकर, तृतीय- खुशबु नरुले
विज्ञान व तंत्रज्ञान यामधील नवसंकल्पना : प्रथम- नुतन दलाल आणि ग्रुप, शासकीय तंत्रनिकेतन, गडचिरोली, द्वितीय – इर्शा काकडे आणि ग्रुप, शासकीय तंत्रनिकेतन गडचिरोली, तृतीय- हर्षल सावरकर आणि ग्रुप, शासकीय तंत्रनिकेतन, गडचिरोली.
या प्राविण्यप्राप्त कलाकलाकारांमधून प्रथम क्रमांकाचे स्पर्धक विभागीय स्पर्धेकरीता पात्र ठरले आहेत. ते भंडारा येथे होणाऱ्या विभागीय युवा महोत्सवात गडचिरोली जिल्ह्याचे प्रतिनिधीत्व करणार आहेत.
या संपूर्ण कार्यक्रमाचे सूत्रसंचालन कल्याणी गायकवाड व संतोषी यांनी केले. प्रास्ताविक व आभार प्रदर्शन राज्य क्रीडा मार्गदर्शक एस.बी. बडकेलवार यांनी केले. हा कार्यक्रम यशस्वी करण्याकरीता क्रीडा अधिकारी घनश्याम वरारकर, वरिष्ठ लिपिक विशाल लोणारे, कुणाल मानकर, सुनील चंद्रे यांनी परिश्रम घेतले, असे जिल्हा क्रीडा अधिकारी भास्कर घटाळे यांनी कळविले.
