गडचिरोली : एकात्मिक आदिवासी विकास प्रकल्प गडचिरोलीअंतर्गत गडचिरोली प्रकल्पस्तरीय क्रीडा संमेलनाचा समारोप येथील सेमाना बायपास रोडवरील धनुर्विद्या प्रशिक्षण केंद्राच्या मैदानावर झाला. या क्रीडा स्पर्धेत सर्वाधिक 362 गुण प्राप्त करून कारवाफा बिट विजेता ठरला, तर 324 गुण मिळवून भाडभिडी बिटने उपविजेतेपद प्राप्त केले. विजेता व उपविजेता संघाला चषक देऊन गौरविण्यात आले. विशेष म्हणजे मागील दोन वर्षांपासून कारवाफा बिटने विजेता, तर भाडभिडी बिटने उपविजेतेपद पटकावण्याची परंपरा कायम ठेवली आहे.
पारितोषिक वितरण सहाय्यक जिल्हाधिकारी तथा प्रकल्प अधिकारी रणजित यादव तथा जिल्हा क्रीडा अधिकारी भास्कर घटाळे यांच्या हस्ते झाले. यावेळी अतिथी म्हणून सहाय्यक प्रकल्प अधिकारी डॉ.प्रभू सादमवार, मुख्याध्यापिका वंदना महल्ले, उपविभागीय क्रीडा समन्वयक नेताजी गावळ, प्रकल्प क्रीडा समन्वयक सतीश पवार, क्रीडा समन्वयिका प्रमिला दहागावकर आदी उपस्थित होते.
स्थानिक शासकीय इंग्रजी माध्यम आश्रमशाळेच्या मुलींनी पारंपरिक आदिवासी नृत्य सादर केले. पारितोषिक वितरणानंतर स्फूर्तीदायी गाण्यावर खेळाडूंसोबत अधिकारी व कर्मचारीही थिरकले. सर्व स्पर्धांमधील विजेत्या खेळाडूंना पुरस्काराने गौरविण्यात आले.
या संमेलनात कारवाफा, भाडभिडी, सोडे, अंगारा, कोरची या पाच बिटमधील 24 शासकीय तर 17 अनुदानित अशा एकूण 41 आश्रमशाळेतील सुमारे 1100 आदिवासी खेळाडूंना प्रकल्पस्तरावर सुप्त क्रीडा कौशल्य प्रदर्शित करण्याची संधी मिळाली. 14, 17 व 19 वर्ष वयोगटात सांघिक व वैयक्तिक खेळांचे आयोजन केले होते.
विजेत्या कारवाफा बिटमध्ये कारवाफा, गडचिरोली, पोटेगाव, पेंढरी, गोडलवाही या शासकीय तर चांदाळा, गिरोला, गट्टा येथील अनुदानित अशा एकूण 8 आश्रमशाळांचा समावेश आहे.
उपविजेत्या भाडभिडी बिटमध्ये भाडभिडी, रेगडी, मार्कंडादेव या शासकीय तर गुंडापल्ली, अड्याळ, चामोर्शी, कन्हाळगाव येथील अनुदानित अशा एकूण 7 आश्रमशाळांचा समावेश आहे.
समारोपीय कार्यक्रमाचे संचालन अतुल बडगुजर तर आभार निलेश कळंब यांनी मानले. संमेलनाच्या यशस्वीतेसाठी प्रसिद्धी प्रमुख सुधीर शेंडे, संतोष कन्नाके, विभा बागडे, मुकेश गेडाम, देवीदास चोपडे, निमा राठोड, गुलाब डोंगरवार, डाकराम धोंगडे, सविता शेंडे, रामदास पिल्लारे, शारदा कोटांगले, दिनेश येरमे, भूषण खोब्रागडे, जागृती टेकाम, भास्कर वाघमारे, अनित टेंभुरकर, पाचही बिटमधील क्रीडा निरीक्षक आशिष नंदनवार, रविकांत पिपरे, सुधीर म्हशाखेत्री, संतोष गैनवार, अजय वाकडे, जितू खोब्रागडे, नवाज शहा, संदीप उसेंडी, कृपांती बोरसरे, प्रवीण पोटावी, शैलेश भैसारे, विनायक क्षीरसागर, महेश बोरेवार, आनंद बहिरेवार, अनिल सहारे, रोशन पेंद्राम, राजेश लांडगे, कार्तिकस्वामी जावळे, गणेश लेनगुरे, भूपेंद्र गेडाम आदींसह मुख्याध्यापक, अधीक्षक, क्रीडा शिक्षक, विविध समित्यांचे कर्मचारी, पंच व विद्यार्थ्यांनी सहकार्य केले.
