चामोर्शी : भाजपाचे कट्टर कार्यकर्ते, जिल्हा उपाध्यक्ष आणि माजी खासदार अशोक नेते यांचे विश्वासू सहकारी स्व.स्वप्निल श्रीरामजी वरघंटे यांच्या प्रथम पुण्यस्मरणानिमित्त तेलंग मोहल्ला, चामोर्शी येथे वर्षश्राद्धाचा कार्यक्रम आयोजित करण्यात आला होता. यावेळी माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री अशोक नेते यांनी उपस्थित राहून स्व.वरघंटे यांच्या प्रतिमेचे पूजन करत अभिवादन केले.
यावेळी नेते यांनी स्व.स्वप्निल वरघंटे यांची समाजसेवा व भाजपासाठी दिलेल्या योगदानाचा उल्लेख करत, त्यांची आठवण कायम स्मरणात राहील, अशी भावना व्यक्त करत त्यांच्या आठवणींना उजाळा दिला.
याप्रसंगी मानवाधिकार संघटनेचे प्रदेशाध्यक्ष तथा भाजपचे जिल्हा उपाध्यक्ष डॉ.प्रणय खुणे, जिल्हा उपाध्यक्ष डॉ.भारत खटी, सहकार आघाडीचे जिल्हाध्यक्ष तथा नगरसेवक आशिष पिपरे, नगरसेविका रोशनी वरघंटे, श्रावण सोनटक्के तसेच मोठ्या संख्येने भाजपचे कार्यकर्ते व पदाधिकारी उपस्थित होते.
