गडचिरोली : महिलांच्या समस्यांचे निराकरण व्हावे व त्याबद्दल त्यांना योग्य मार्गदर्शन मिळावे या उद्देशाने जिल्हास्तरवर प्रत्येक महिन्याच्या तिसऱ्या सोमवारी महिला लोकशाही दिनाचे आयोजन केले जाते. या महिन्यात येत्या 16 डिसेंबर रोजी सकाळी 11 वाजता महिला लोकशाही दिनाचे आयोजन जिल्हाधिकाऱ्यांच्या अध्यक्षतेखाली होणार आहे.
यावेळी महिलांच्या वैयक्तिक समस्या, गाऱ्हाणी, अडीअडचणी ऐकून त्यांचे निवेदन स्विकारण्यात येईल. महिलांनी आपले अर्ज जिल्हा महिला व बालविकास अधिकारी कार्यालय, बॅरेक क्रमांक 1, खोली क्रमांक 26 व 27, कॉम्पलेक्स, गडचिरोली या कार्यालयात सादर करावे. अर्जाचा नमुना कार्यालयात नि:शुल्क प्राप्त होईल, असे जिल्हा महिला व बालविकास अधिकारी प्रकाश भांदककर यांनी कळविले आहे.
