गडचिरोली : भारतीय जनता पार्टी गडचिरोलीच्या वतीने पंतप्रधान नरेंद्र मोदी यांच्या वाढदिवसानिमित्त माजी खासदार तथा भाजपच्या अनुसूचित जनजाती मोर्चाचे राष्ट्रीय महामंत्री अशोक नेते यांच्या नेतृत्वात आणि जिल्हाध्यक्ष प्रशांत वाघरे यांच्या प्रमुख उपस्थितीत स्वच्छता अभियान आणि फळवाटप करण्यात आले.
जिल्हा महिला व बाल रुग्णालयात रुग्णांना फळे वाटप करत रुग्णालयाच्या परिसरातील केरकचरा साफ करून स्वच्छता अभियान राबविण्यात आले. याप्रसंगी जिल्हा महामंत्री प्रकाश गेडाम, महिला आघाडीच्या जिल्हाध्यक्ष गिता हिंगे, तालुकाध्यक्ष विलास पा.भांडेकर, कामगार आघाडीचे प्रदेश सदस्य गोवर्धन चव्हाण, जिल्हाध्यक्ष सुधाकर पेटकर, डॅा.बागराज धुर्वे, डॉ. प्रशांत पेंदाम, भाजपच्या जिल्हा सचिव वर्षा शेडमाके, ता.महामंत्री बंडू झाडे, माजी न.प.उपाध्यक्ष अनिल कुनघाडकर, अल्पसंख्यांक आघाडीचे नेते सलीम, शहर महामंत्री विनोद देवोजवार, भुपेंद्र कुळमेथे, देविदास नागरे, रमेश नैताम, सीमा कन्नाके, अविनाश विश्रोजवार, राकेश राचमलवार, प्रशांत अल्मपटलावार यांच्यासह मोठया संख्येने कार्यकर्ते व दवाखान्यातील कर्मचारी उपस्थित होते.
