गडचिरोली : विधानसभा निवडणुकीच्या प्रचारासाठी आता जेमतेम चार दिवस शिल्लक आहेत. दि.18 ला जाहीर प्रचार थंडावणार आहे. पण गडचिरोली विधानसभा मतदार संघांसह बहुतांश भागात प्रचाराचा माहौल पाहिजे तसा गरम झालेला नाही. दरम्यान आजपासून तीन दिवस जिल्ह्यात राष्ट्रीय नेत्यांच्या प्रचारांचा धुराळा उडणार आहे.
आज दुपारी 1 वाजता आरमोरी मतदार संघाचे आ.कृ्ष्णा गजबे यांच्या प्रचारासाठी केंद्रीय मंत्री नितीन गडकरी यांची सभा श्रीराम महाविद्यालयाजवळच्या पटांगणात होणार आहे. तसेच विधानसभेचे विरोधीपक्ष नेते विजय वडेट्टीवार यांची सभा दुपारी 12 वाजता चामोर्शी आणि 2 वाजता गडचिरोलीत होणार आहे.
भाजप नेते आणि केंद्रीय मंत्री अमित शाह यांची सभा येत्या 17 नोव्हेंबरला गडचिरोलीत होणार असल्याचे सांगितले जाते. याशिवाय प्रियंका गांधी यांचा दि.13 चा गडचिरोलीतील रोड शो रद्द झाल्यानंतर त्यांची सभा आता दि.17 ला देसाईगंज येथे होणार असल्याचे सांगण्यात आले. दोन्ही मोठ्या नेत्यांच्या सभा जिल्ह्यात एकाच दिवशी होणार आहेत हे विशेष.
