गडचिरोली : रोटरी क्लब गडचिरोली शाखेतर्फे 15 ते 19 जानेवारी दरम्यान उत्सव मेला 2025 चे आयोजन केले आहे. देवकुले प्रांगणात होणाऱ्या या उत्सवात विविध स्पर्धा, मनोरंजनात्मक खेळांचे आणि खाद्य पदार्थांचे स्टॅाल लागणार आहेत. याशिवाय प्रसिद्ध कवींचे हास्य कविसंमेलनही होणार आहे.
या उत्सवात पुष्परचना स्पर्धा, सोलो डान्स स्पर्धा, कपल डान्स, डिश व सलाड डेकोरेशन तथा कुकिंग स्पर्धा, ग्रुप डान्स, कडधान्यापासून रांगोळी स्पर्धा, ओपन टॅलेंट शो स्पर्धा, महाचित्रकला स्पर्धा, सामान्य ज्ञान स्पर्धेचे आयोजन करण्यात आले आहे. रोटरी उत्सवाचे विशेष आकर्षण म्हणजे तंबोला हौजी होय. या तंबोला हौजीत दररोज गडचिरोलीकरांना मोठी बक्षीसं जिंकण्याची संधी मिळणार आहे. त्यामुळे गडचिरोलीकरांनी या उत्सवात सहभागी व्हावे, असे आवाहन रोटरी उत्सवचे अध्यक्ष सुनील बट्टूवार, सचिव विश्राम होकम यांनी केले आहे.
या उपक्रमासाठी रोटरी क्लबचे दिवाकर बारसागडे, आमदार डॉ.मिलिंद नरोटे, कर्नल (निवृत्त) विक्रम मेहता, नीरज जैन, नंदकिशोर काबरा, गोविंद सारडा, अॅड.कविता मोहरकर, हेमंत राठी, संजय गुप्ता, अमित सूचक, अंकुश गुंडर्लावार, राजेश इटनकर, सचिन तंगडपल्लीवार, डॅा.अद्वय अप्पलवार, दिनेश पुंडे, ईशांत राळे, विलास बल्लमवार, सूरज बनकर, जितेंद्र धात्रक, नवीन मित्तल, अनिल तिडके, सतीश चिचघरे, राकेश चडगुलवार, सतीश त्रिनगरीवार, मनीष उत्तरवार, अजय बर्लावार, अनुराग पिपरे, ज्योती देवकुले, वैष्णवी डोंगरे, वैष्णवी दखणे, नीलेश पटले, सुयोग बट्टूवार आदी सदस्य परिश्रम घेत आहेत.
