अहेरी : निवडणुकीचे वातावरण जसजसे तापत आहे तसतसा युवा वर्गासह सर्वांचा राष्ट्रवादी काँग्रेस (अजित पवार) पक्षाकडे कल वाढत आहे. रेपनपल्ली येथील सामाजिक कार्यकर्त्यांसह अनेक युवकांनी धर्मरावबाबा आत्राम यांच्या नेतृत्वात काम करण्याची इच्छा व्यक्त करत पक्षात प्रवेश केला. त्यांना प्रदेश उपाध्यक्ष तथा मंत्री धर्मरावबाबा आत्राम यांनी अहेरीच्या राजवाड्यात पक्षाचे चिन्ह घड्याळ मुद्रित केलेले दुप्पटे देऊन त्यांचे स्वागत केले.
तत्पूर्वी पक्षाचे कार्यकर्ते इर्शाद शेख यांच्या पुढाकारातून शुक्रवारी आविसंच्या वेडमपल्ली ग्राम पंचायतच्या एका सदस्यासह अनेकांनी राष्ट्रवादी काँग्रेस पक्षात प्रवेश केला. त्यानंतर शनिवारी पुन्हा रेपनपल्ली येथील कार्यकर्त्यांनी राष्ट्रवादी काँग्रेससाठी काम करण्याची इच्छा व्यक्त केली. त्यात संभा मिसाल, रवी मिसाल, विजय सिडाम, अजय सिडाम, गंगाराम आलाम, श्रीहरी सडमेक, दीपक सिडाम, संतोष सिडाम, दिवाकर आलाम, विजय गावडे, रितिक गावडे, रमेश मिसाल या प्रमुख कार्यकर्त्यांसह इतरांचा समावेश आहे.
