गडचिरोली : आगामी पदवीधर मतदार संघाच्या विधान परिषद निवडणुकीच्या पार्श्वभूमीवर मतदार नोंदणी प्रक्रियेला गती देण्यासाठी जिल्हास्तरीय आढावा बैठक शुक्रवारी गडचिरोली येथे आमदार डॉ.मिलिंद नरोटे यांच्या कर्तव्यकक्ष या जनसंपर्क कार्यालयात घेण्यात आली.
या बैठकीचे नेतृत्व माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ.अशोक नेते यांनी केले. बैठकीला सुधीर दिवे यांची प्रमुख उपस्थिती होती.
बैठकीदरम्यान पदवीधर मतदार नोंदणीची सद्यस्थिती, जागरूकता मोहिमा, मतदार याद्यांतील नावनोंदणीसाठी केलेली संघटनात्मक तयारी आदी विषयांवर सविस्तर चर्चा झाली. आगामी निवडणुकीत पदवीधर वर्गाचा जास्तीत जास्त सहभाग सुनिश्चित करण्यासाठी प्रभावी नियोजनावर मार्गदर्शन करण्यात आले.
या बैठकीला भाजपचे माजी जिल्हाध्यक्ष प्रशांत वाघरे, जिल्हा महामंत्री गोविंद सारडा, जिल्हा महामंत्री गीता हिंगे, प्रदेश कार्यकारिणी सदस्य रविंद्र ओल्लालवार, कि.मो.जिल्हाध्यक्ष विलास भांडेकर, जिल्हा उपाध्यक्ष प्रकाश दत्ता, महेश झरकर यांच्यासह इतर पदाधिकारी उपस्थित होते. यावेळी पदवीधर मतदार नोंदणीबाबत जनजागृतीसाठी सर्वांनी एकत्रितपणे कार्य करण्याचा निर्धार व्यक्त करण्यात आला.
