वनविभागाच्या विविध समस्यांवर काँग्रेसच्या शिष्टमंडळासोबत चर्चा

खा.डॅा.नामदेव किरसान यांची उपस्थिती

गडचिरोली : जिल्ह्यातील वनविभागाशी संबंधित विविध समस्यांना घेऊन काँग्रेसच्या शिष्टमंडळाने खा.डॉ.नामदेव किरसान यांच्या नेतृत्वात मुख्य वनसंरक्षक एस.रमेशकुमार यांची भेट घेऊन विविध विषयांवर चर्चा केली.

यावेळी आ.रामदास मसराम, काँग्रेसचे जिल्हाध्यक्ष महेंद्र ब्राह्मणवाडे, जिल्ह्यातील वनविभागाचे सर्व उपवनसंरक्षक, तसेच जि.प.चे माजी उपाध्यक्ष मनोहर पोरेटी, युवक काँग्रेसचे प्रदेश सचिव अॅड.विश्वजित कोवासे, शहर अध्यक्ष सतीश विधाते, जिल्हा सचिव सुनील चडगुलवार, आरमोरी तालुकाध्यक्ष मिलिंद खोब्रागडे, धानोरा तालुकाध्यक्ष प्रशांत कोराम, अनुसूचित जाती सेलचे अध्यक्ष रजनीकांत मोटघरे, परिवहन सेलचे अध्यक्ष रुपेश टिकले, जावेद शेख, गौरव येणप्रेड्डीवार, विपुल येलट्टीवार यांच्यासह इतर पदाधिकारी उपस्थित होते.

वन्यप्राण्यांच्या हल्ल्यांवर प्रभावी उपययोजना करणे, वन्यप्राण्यांच्या हल्ल्यातील मृत, जखमी किंवा नुकसानग्रस्तांना तातडीने आर्थिक सहाय्य देणे, वनविभागाच्या परवानगीकरीता प्रलंबित असलेली विकास कामे, रस्ते यांना परवानगी देणे, आवश्यक त्या ठिकाणी बिट, बांबू उपलब्ध करून देणे यासारख्या विविध विषयांवर यावेळी सविस्तर चर्चा करण्यात आली.